Kawlgam President Thein Sein in Kawlgam sunga om gamvai kipawlna Party 62 pan palai 179 te kaikhawm in, March 29,2014 ni-in Yangon Region, Parliament Hall ah holimna neihpih in, Zomi party ZCD pan makaipi Pu Chin Sian Thang le Kawlpi ZCD pan Pu H. Khual Za Nang ( Vice President-Kalay)te kihelthei cih kiza hi. Tua holimna ah Kawlgam kumpi le mualmite kikal kikap/ kidopna beina ding vai, gam ki-ukna (Constitution & Bylaw) te puahphatna ding vai, Mualmite le Kumpite kikal kithunun theihna ding le mai 2015 kiteelpi ciangin, Federal lampi tawn a, thuman kiteelna om theihna ding cihte kikuppi in nei uh hi.
Tua banah tutung Myanmat Census vai ah buaina om theihna ding munte le Mualmite tawh kikap/ kidonate manlang tak abei siangna dingte zong nasiatak kikumkhawm uh hi. Abeisa in President Thein Sein in Kawlgam sunga om sumzuak sumbawlna lam makaite le NGO kipawlna tuamtuamte tawh gamvai kikupna nei khawm khin in, Kawlgam party makaite tawh tutung a khatveina neihpih hi. Thukikupna sungah Chin National Party makaipi Pu ZoZam in thudotna nei a, " Kawlgam i mai lam kilamna dingah Lutangpi 4 bek tawh kikupkhop ding hi loin, Lutangpi 5 ( Mualmi Party palai khat) peuh mah kihel hamtang ding adeihna thu pulakkhiatna nei thei hi. Hih kikupna pen Kawlgam maban kalsuanna dingin a thupi mahmah holimna hi dingin kiciamteh hi.
Ref: BBC & VOA Burmese
No comments:
Post a Comment