Abeisa March 8,2014 ni Kuala lumpur khuapi, Malaysia pan Beijing khuapi, China gam zuan aleeng, khualzin mi 239 tuanna Malaysiate' neihsa Malaysia Airline MH 370, Boeing 777 vanlengpi pen Nipi kalnih val tawntung leitung gamlian tampite' huhna tawh nasiatak akizonna pan tuni March 23,2014 ni-in, aki-upmawhna mun mah ahi India tuipi leitaw lam Australia gam pan Tai 14460, a gamlatna mun Tuipi thuk sungah kia ahihna thu Malaysia Prime Minsiter Najib Razak in tuni March 24,2014 ni-in, leitungbup theih dingin tangko khia hi.
Vanleng sunga tuang mite khempeuh zong sikhin ta cih thu Malaysia PM in genbeh hi. Hih bangin a kimuhkhiat theihna dingin gam tuamtuam pan vanleng siamte le Huihlak akikoih khuaphelep manzaihna tungtawn in, Vangleng a themneng te Australia te in mukhia masa uh hi. Tua banah gam tuamtuamte in zongmuhna nei ciat banah UK’s Air Accidents Investigation Branch (AAIB) te muhkhiatna tawh kikipsak ahihna thu Malaysia PM in genbeh hi. Malaysia Airline thunei ten misite' innkuanpihte tungah zasak pah uh a, tulaaitak kahna leh hagawina tawh kidimin khuangaih huai pha mahmah cih Media pan kiza hi. HIh vanleeng tuahsiatna tawh kisai mahialna kinei pianpian ta ahihna zong Malaysia PM in gen hi.
Ref: BBC / Internet
Posted : Tongsan Tanute
No comments:
Post a Comment