A ( 9 ) veina Northern Tedim Baptist Association Khang no thu sin na Nov 15-21,2011 sung teng Phaiza khua ah nuam tak in ki bawl thei hi.

Motto " TOPA KEI HONG SITTEL IN " ( Late 139:23 )
Speaker - Pr. Khup Khawm Cing

A ( 9 ) veina NTBA khangno thusin leh Kumcin Meeting pen tukum2011 kumpen Phaiza khua-ah tung hi. Phaiza khuapen Tedim khuapi panin tai-18 gamla hi. Tedimpanin Phaiza lam ii pai ciangin Lailo khuaTuithang lei ( meitei gun ) , Philka leh Thalmual khua thak-te kinawk kha hi. Thu hilh sia 7 pha hi. NTBA khawk sungpan in Sakollam Tuiphum Pawlpi - 18, Lailo Tuiphum Pawlpi -15, Ngawsing Tuiphum Pawlpi - 14,Gawngmual Tuiphum Pawlpi -5, DampiTuiphum Pawlpi -3, Thalmual TuiphumPawlpi - 4, Tuithang Tuiphum Pawlpi - 2 , Tuicinlui Tuiphum Pawlpi 12,Tuilangh Tuiphum Pawlpi - 4, Phaiza Tuiphum Pawlpi - 12, GamlaiTuiphum Pawlpi - 2, Buanli Tuiphum Pawlpi - 3,Singlei Tuiphum Pawlpi- 3, cih bangtengin a khua a khua pan kipai thei hi.

15th Nov. 2011 ni Zintun16th-18th Nov. 2011 Sunhun thusin20th Nov. 2011 Sunhun - Sermon Rev. Kim Khan Thang ( 10:00 - 12:00am )Kumcin Meeting - ( 1:00 - 4 :00 pm )Meeting hunsungin Pr. Hau Khan Langh leh Pr. Neng Za Thawn te in hong makaih hi.

Nitak simin Pr. Khup Khawm Cing in kha an vak na hong nei in thakingah thei mahmah hi. Sakollam TuiphumKhangnote in zong Lim lah na2 vei nei uhi.

Thusin hunsungin kidem na tuamtuam om hi. Tua kidem na tuamtuam ah amadawk zawdeuhte in -

Solo - 1st - Tuicinlui 
2nd - Phaiza
3rd - Sakollam

Quartet - 1 st Sakollam
2 nd Lailo
3rd Ngawsing

Laisiangtho lotngah kidem na - ah
1st Ngawsing
2nd Sakollam
3rd Tuicinlui

Laiphi na ah
1st Tg. Suan Za Dongh ( Singlei )
2nd Lia Thang Lian Cing ( Sakollam )
3rd Tg. Khawm Sian Muang ( Sakollam ) - cih bangtengin madawk na nei uhi. Thusin hunsungteng in Phaiza TuiphumPawlpite in Vok - 11 leh Bawng - 1 tawh lengla do uhi. Phaiza khua ahnek theih tam mahmah in a gil kial cih bang om lo hi. Phaiza khua ahLingmaw , Sahawk leh Zawngtah kungte tam mahmah a hih manin a gil kialom lo hi kici hi.

21th Nov. 2011 zingsang ciangin ii khuatek zuat hong kulta a hih maninkhangnote khut kilen in khualam kizuantek dingciang inntekte lehthusin a, pai khangnote kilungleng thei tuak mahmah aa mit khituilamsa in kikhen tek uhi.

NTBA thusin leh kumcin Meeting tunna PHAIZA khuathu tawh na thei nuamhia ? Tawm honggen ning maw ....

Phaiza khuapen Tuizong tamin Anzong hau thei mah mah uhi. Phaiza khuaHausapa minpen Pu Rev. Nang Do Cin hi. Pasian thutawh a khuapihte lamhilh inmithupi mahmah khat a hi hi. Phaiza khua ah Pilna Sanglamcileng Tan - 7 cing om hi Sianu/pa - 7 om hi. Sianu - 4 leh Siapa - 3om hi. Zato lamtawh kisai-in Nau suak sianu khat om hi. Tua sianupenPasian thu-um mi khat a hi hi. 2002 kum a ki pan Pu Thang Za Sutaituam hanciam natawh khua sung khempeuh mei tang in et lawm mahmahhi. Pu Thang Za Sut pen a et theh huai mahmah Pasal khat hi.

Phaiza khua ah inn - 181 om in Pawlpi 9 om hi. Tua pawlpi te natheinuam hia lawm ... ?Phaiza Tuiphum Pawlpi, EBC, One God CJC, BCM, AG, SDA, ZBCM, RC lehUPC te a om hi. Phaiza khua ah Pawlpi inn tampen leh a thahat pen honggen ning maw ... EBC pawlpi hi.

Phaiza khua napai leh hih munte ah na pai sawm in ...
- Phaiza khuapan in a gamla khollo khat ah Mawngkung golpi khat om intua Mawngkung in khe - 7 nei in luigei khat ah om hi.- Phaiza khua panin tai - 2 a gamlatna mun khat ah tui kicing in tuatuipen " TUISIA LI " ki ci a, tua tuipen cim mahmah in eng dimdem inngasa zong om hi.- Phaiza khua khung lamah Suangtum gol khat om in tuasuang tumin lukhunei in et nop mah mah hi.A tung a, lai ki-at te pen NTBAY thusin siate khat ii gen na pan lehPhaiza khua a, teng Pi Ciin Cing ( kum - 67 ) -tethu gen nate pan ina kigelh khia a hi hi.

Tg. Thang Sian Hau

Sakollam Nidanglai thu

Sakollam a minbul pen: [[Nidanglai, Pu Kamhau hun lai in, zin a ki dawn ciang in(Ukpi te) tulaitaka Saangpi tual a tennis tual ah, Sakol tawh Mangpi te, Ukpi te ki a kidawn ciang; tu lai in- motor leh saikel te omnai lo ahih man in, a kizangh pen sakol mah tawh kizem bilbial in hoih sak mahmah in kidawn in zin ki tung sak hi, ci hi. Sakol tawh vanpuak leh tai, sinna, galdo na ding ahihzongh in, mi pua ding a hihzong in, lampih ding ahi zongh in, tua mun ah sakol te kisinna neisak a, zingsang tung leh sun tawntung in sakol te diangdiang lammlamm ahih manin, Sakol sinna mun, sakol sekna mun ah sakol tampi tak ki pelh duamduam, kikhel diamdiam a ki neihna SAKOL-LAMM MUN pen SAKOLLAM kici paisuak hi.

Sakollam ah Hanmun (cemetry) 4 om hi.

• 1. Takzang han (Sakollam RC Church nuai ah)
• 2. Mualteu han (Sakollam Zolai sang no. 4 nuai ah)
• 3. Vuam han (Mualpang lam ah, palik zum nuai ah)
• 4. KhuaKhang han Guanuai ah,

---

Sakollam ah Biakinn te

• 1. RC Biakinn pi, Vengkhang lam ah;
• 2. AG (Pentecostal)Biakinn, BEHS 1, nuai ah,
• 3. ABM (TBA) Biakinnpi, Sanglamka ah,
• 4. SDA Biakinnpi(Sakollam SDA), Lailo lamka ah,
• 5. Laipian (PauCinHau) Biakinnpi leh Phualpi, Galkaplen nuai ah,
• 6. ZBA Tagah kepna leh biakinn,
• 7. TBC Thang Za Kam Baptist Churh,
• 8. TCBC Theocratic Christ Baptist Chruch
• 9. NAC New Apostolic Churh,
• 10. CJC
• 11. CBC

---

[Sakollam ah neihlian pawlkhat]]

• Kamhau Tualpi om hi.
• Guah leh Huih dal kimawlna innpi (gynasium) om hi.
• Tan 10 sangpi 1na(BEHS 1) om hi.
• Galkap te om hi. (269 Artillery batallion, of Myanmar Nai Nyan Daw)
• Suanpau' Inn (Tedim a inn hoih pen, 2005)
• Thong leh palik zum(prison) zongh om hi.
• A.G Sangpi(college) zongh om hi.
• SDA tan10 (Sakollam SDA)sang (2005)om hi.
• Pa Kim Khai mawtaw puahphatna (U KimKhai and Sons Workshop)Tedim khuksung a hih bek om hi.
• Tedim khuapi ie neih lian bel Suangphuh (kyautdai) om hi.
• Zogam Building (Pa ThangLamTungPau) inn.
• SuanPau Innpi (Pa Suan Pau inn leh Zato)

---

Sakollam Vengpi pen Tongzang lam paina lamah om hi. Hih Vengpi sung ah Veng neuneu in kikhen lai a: Lamkaobom min tawh kivawh a, Khuaneu leh khuata te, khuadang paina lamka kiim a om te, tua lamka min kivawh pah hi.

• Khuathak veng (Galkap te ong tunteh inn kituah a khuathak saat teng)
• Mualtuk veng (Tonzang paina lam dung khawnawl daido teng)
• Teeklui veng (Teklui Khua paina lamka ah om ahih man in Teklui Veng kici hi/)
• Lailo veng (Lailo Khua paina lamka ah om ahih manin Lailo Veng kici hi.)
• Mualpang veng (Mualpang lam ah tuam kai ahih manin Mualpang Veng kici hi.)
• Gawnuai veng (Khawtaw lam ah om ahih man in Khawnuai/ Gawnuai veng kici hi.)
• MualVeng (BEHS 1 nuai mualveng teng)
• Tualpi nuai veng l(Kamhau Tualpi dang phei a teng)
• Tualpi pamm veng (TZK
• Palik veng,
• Siangsawn Veng,cih bangh te leh a om vengmi te' sapdan dan in a kilo kawikawi veng min kipia ciat hi.

---

Khanglui thu leh thupi a theihhuai te in behlap theih hi ei. Pu te.