Malaysia Airline Tuahsia

Malaysia te' vanleng line minthang pen khat ahi Malaysia Airline, Boeing B-777-200, Flight MH370 , khualzin mi 227 le vanleng nasem12, naungek khat kihelte' tuanna vanlengpite khat Kuala Lumpur pan March 7,2014 ni zankim (12:40 Am) hunin Chinna khuapi Beijing zuan a lengkhia pen alenkhia zawh asawtlo (2:40 Am) hun pawlin kizopna (Ridar) kimuthei nawnlo in mangcip cih thu Subang Airport vaisaite in genkhia uh hi. Tua a tangko zawh a sawtlo in Vietnam leh China thuthang te'n Vietnam leh Malaysia kikal tuipi sungah kia cih thuzakna tungtawn in Malaysia Airline vaisaipite in taangkokhia leuleu uh hi.

 

Vanleng sungah a tuang (Passenger)te pen Sen (China) gammi 152, Malaysia gammi 38,Indonesia mi 12,Australia mi 6, USA gammi 3, France 4, India 5, New Zealand 2, Ukraine 2, Canada 2, Russia 1, Netherland 1, Italy 1, Austra 1 kihel uh cih Malaysia Airline zumpite in gen uh hi. Hih Vanleng tuahsiatna vai ah Vietnam galkapte le China honkhia pawlte tua Tuipi munah kilimnawn mahmah ta uh cih kiza hi.

 

Vanleeng hawlpa Capt Zaharie Ahmad Shah pen kum 53 hi a 1981 kumpan Malaysia Airline ah naseem ahih banah Beijing khuapi pen akhatvei lenna (kum na) ci hi. Hih Malaysia Airline Boeing 777 te pen nung kum 2013 kum July kha sungin Los Angeles, USA ah khat akia simloh kum 20 sungin tuahsiatna nei ngei nailo cih Vanlleng vaisaite in genbeh uh hi.  Vanleng tungah kihel tuahsiate' innkuanpihte 80%  tang ding kitheisak khin ta a, hih vai ah adiakdiak in Asia gam sung Kumpite buai mahmah laitak uh cih kiza hi.

 

Source: The Malaysia Times & Kammung