Tongsan Weekly Journal in Registration Ngah Ta

Zomite sungah Nipisim Thukizakna / Laihawm i neih sunsunte sung pan a masapen khat ahi TONGSAN WEEKLY JOURNAL pen abeisa December 26,2014 ni-in Kumpi theihpihna / phalna (Registration No. 00317) tawh Journal level ngiat kingah khia ta ahih manin, tukha January 2015 akipan Journal size tawh suaktatak kihawmkhia ziahziah ta ding hi.

Hih bangin Registration i ngahna pen Zomi min dinmun ciang bek hi loin, Kawlgambup huam a kihawm Journal Level te tawh kiliangko kim a kingah ahih manin, Zomibup i angtanna le lungdamna lianpi khat hi dingin i lamen hi. Hih Registration ngetna/ bawlna ah tha le ngaal sum le pai akipan a hun manpha tampi piakhia a hong sepsak Sianu Cing Sian Dim (Cir-culation Manager of Tongsan) le Sia Suanmang (ZCD) te' tungah Tongsan Media Group pan lungdamna kiciamteh hi.

Tongsan Weekly Journal pen tuni ciangciang Kawlpi pansan (Phualpi) in kihawmkhia hi a, tukha January 2015 akipan Yangon khuapi sung zongah nasiatak kihawmkhia ziahziah ta ding hi. Tutung January 2015 Nipi masa sungin, Sia Khampeek (Tongsan pu) le Yangon khuapi sunga om biakna pawlpite ah Tongsan Tanu (Agent) dingte tawh kimuhkhopna nasiatak neikhawm thei uh hi. Yangon khuapi ah tawlpikhat sung amawkna in kihawm phot dinga, a nung lam ciangin Tatman (Subscription fee) kingen pan ding cih khensatna kinei hi.

Tua hi a, Tongsan Weekly Journal pen Kawlgambup a om Zomite tenna khuapi khuaneu mun khempeuh ah mipi simtheih dingin kihawmkhia ziaziah nuam ahih manin, minam le Lai itna a neite in na pawlpi or na khua ah Tongsan Palai (Agent) kisemthei ding cih i kicial nuam hi. Minam kician khatin Lai nei uh a, lai kician anei minam pen khangto hamtang hi. Laisim minam i suah ciang bekin mipil le miciim minam kisuak thei pan ding hi.

Tongsan Weekly Journal- vai tawh kisai a theibeh nuamte in a nuai amunte ah kidong thei ding hi.

1. Sia Khampeek (Tongsan pu), Email: khampeek@gmail.com, Mob: 09448026418, 0047-46824269
2. Sia Khen Khup (Editor ), Email.khup.lsf@gmail.com, Mob: 0932246336

-Tongsan Weekly Journal (Yangon Agent) a om thei teng tawh Hario Cafe & Bakery ah kimuhkhopna kinei thei hi.