2013-2014
Kawlgam laisin kum, Tan 10 laivuanna pen tuzan 12:00 hunin amunmun ah
suangkhia ta uh hi. Tukum pen lai zo percent tawm diakin
kigen hi. A diakdiakin Kalaymyo huamsung teng a ki-et ciangin
Distinction tam ngah leh lai ong pen a beisa kumte sangin tawm zaw
pekin kigen hi.
A lungdamhuai leh a angtanhuai mahmah khat ah Kalay Township sungah
Tan 10 phi khempeuh lakah mi khat bekin (All D) ngah a, tua pen ei
mite mah ahi hi. Laitui khuami, Seikkantha veenga teng, Agape A.G
pawlpi mi ahi, Pa Pum Za Kam leh Nu ..Mangte' tanu, Lia Cing Van Hau
in She Hla Myint Boading panin Sahkah 674 tawh No.3 (St.Mary) panin
All-D hong ngah ahih manin nakpitakin i lungdampih hi.
No.1 ah ka pai leh Kawlte kiho uh a, St.Mary ah Chin-Ma khat in All D
ngah a cih uh ka zak ciangin a kua hi peuhmah ding hiam, ci-in ka en
to pah hi. Amin ka et teh eimi min na hi takpi a, ka khuanung theih
ciangin ka pawlpi mite a na hih sawnsawn manin ka angtang phadiak lai
hi. Bangbang hi leh amau bek ahampha hi lo-in ei amipihte leh
Christiante' hamphatna zong ahi hi.ZBCM ten Ks.lakh 10 a suukkhiat uh
kul zel ding hi. A ngah dingte leh a pia dingte hampha khawmkhawm sa
ing.
Lai ong nu' i apa, Pum Kam pen nidangin Vanleng galkap a sem ngei hi
a, tulaitak a tanu' sangkahna ahi, SHS No.3 ah zong sang Board makaipi
a sem den ahi hi. A omna pawlpi ah zong Upa leh makai a sem den
Pasian' a zahtak leh na hoih na pha a semte innkuan ahih manun Pasian
in zong thupha pia hi ding hi, ci-in ka ngiahsun hi.
No.1 SHS panin 5 D ngah Kawlte khat-le-nih bek om a, No.2 SHS ah 5 D
ngah i sanggam namdangte khat bek mah om a, D ngah tam het lo ban ah
lai ong tawm mahmah mawk hi. I muan mahmah Ciimnuai Boarding nangawn
zong a tampen 4 D ciangbek om ahi hi. Pasian in a tanu maban thupha
hong piaksak semsem lai ta hen, cih lungdampihna tawh hiteng a
kihawmsawn pak i hi hi.
(Internet ka zat loh kha thum bang sawt ta a, hih bang thu hong om
ciangin lungdam leh angtanpih lua ka hih man ahi hi. Theihsak tuak a
kisam lai a om leh damin hong zasak beh lai ning).
Lungdampih Thupuak,
Peter Khampu
--
Peter Khampu
CMedia, Kalay
kigen hi. A diakdiakin Kalaymyo huamsung teng a ki-et ciangin
Distinction tam ngah leh lai ong pen a beisa kumte sangin tawm zaw
pekin kigen hi.
A lungdamhuai leh a angtanhuai mahmah khat ah Kalay Township sungah
Tan 10 phi khempeuh lakah mi khat bekin (All D) ngah a, tua pen ei
mite mah ahi hi. Laitui khuami, Seikkantha veenga teng, Agape A.G
pawlpi mi ahi, Pa Pum Za Kam leh Nu ..Mangte' tanu, Lia Cing Van Hau
in She Hla Myint Boading panin Sahkah 674 tawh No.3 (St.Mary) panin
All-D hong ngah ahih manin nakpitakin i lungdampih hi.
No.1 ah ka pai leh Kawlte kiho uh a, St.Mary ah Chin-Ma khat in All D
ngah a cih uh ka zak ciangin a kua hi peuhmah ding hiam, ci-in ka en
to pah hi. Amin ka et teh eimi min na hi takpi a, ka khuanung theih
ciangin ka pawlpi mite a na hih sawnsawn manin ka angtang phadiak lai
hi. Bangbang hi leh amau bek ahampha hi lo-in ei amipihte leh
Christiante' hamphatna zong ahi hi.ZBCM ten Ks.lakh 10 a suukkhiat uh
kul zel ding hi. A ngah dingte leh a pia dingte hampha khawmkhawm sa
ing.
Lai ong nu' i apa, Pum Kam pen nidangin Vanleng galkap a sem ngei hi
a, tulaitak a tanu' sangkahna ahi, SHS No.3 ah zong sang Board makaipi
a sem den ahi hi. A omna pawlpi ah zong Upa leh makai a sem den
Pasian' a zahtak leh na hoih na pha a semte innkuan ahih manun Pasian
in zong thupha pia hi ding hi, ci-in ka ngiahsun hi.
No.1 SHS panin 5 D ngah Kawlte khat-le-nih bek om a, No.2 SHS ah 5 D
ngah i sanggam namdangte khat bek mah om a, D ngah tam het lo ban ah
lai ong tawm mahmah mawk hi. I muan mahmah Ciimnuai Boarding nangawn
zong a tampen 4 D ciangbek om ahi hi. Pasian in a tanu maban thupha
hong piaksak semsem lai ta hen, cih lungdampihna tawh hiteng a
kihawmsawn pak i hi hi.
(Internet ka zat loh kha thum bang sawt ta a, hih bang thu hong om
ciangin lungdam leh angtanpih lua ka hih man ahi hi. Theihsak tuak a
kisam lai a om leh damin hong zasak beh lai ning).
Lungdampih Thupuak,
Peter Khampu
--
Peter Khampu
CMedia, Kalay
No comments:
Post a Comment