Bangcia hici lawmlawm liang ihihiam?
I minam sung ah akipaisan kha, akisam mahmah i phawkloh khat om hantang leh kilawm kasahi.
I innkuan sung, i beh i phung sung, sanggam unau sung, nupa sung, Pawlpi sung, kipawlna sung, veng leh paam sung, hausa upa sung, kumpi sung kisapna lian mahmah khat om in ka ngaihsunhi.
Hihbang tawh Thupha kaai hethet loding hihang!
Tawmnocik ahi Zomi sung ah mihing genloh ganhing inzong a neihloh lungtang pua cihpen ngaihsut huai mahmah ta hihang. Khat vei bek zong hinawnlohi.
I kilam zia, i kipuakzia akhial khat om ding hiveh, ngaihsun huan dih un.
Khamtheih guih theih zatluatna leh kilawmlo zah aa sum ngahna te in i minam lungsim puak ong susia khin hileh kilawm kasahi.
Pheisam' siam, gulpi' siam tamlua zong hikha in ka umhi.
Kumpi lam pan hausa upa in amau' uk sung innkuante nuntakzia limtak theihpih sawm ciat lehang hihbang liangbel pianglo khadinghi. Innsawm uk (se-ein-gawng) in a uksung telcian mahmah leh ahamsa hetlo ding thu ahihi.
Tua ahihkei leh i Pawlpi Sia, upa, makaite'n ei upa sepna ciat, i Pawlpi miciat cian theih mahmah, kinai mahmah hilehang hibang thu ciang theih hak hetlo in ka umhi.
I minam sung ah ki-itna, ki donna, kikinna, ki awlmawhna lungsim om nawnlo ahihlam kilang lua hi.
I Christian nuntakzia kipaikhial khinta hi.
Tutung GZA leh census vai innlam, Kawlpi, Tedim, Tonzang kaphak kawikawi ciang,
Khuapi ahi aa, khuata ahizongin Zomite i hauhdante, neihsa, lamsa i khantoh ziate ka khuadak kawikawi ciang khangcing kasak ommello aa, cikciang bang i ci zentam ci-in ka dipkua niloh hi. I gamtat, i kampau ziate kua mah zahtak nawnlo, thusim nawnlo in ka cikzia lianghi. Khang kikhom ding ka muh om mello hi. Sumbawl masa "suangbawlte" icih hun aa tatzia sang kisuksia zaw hi.
Hihbang thupiangte tuate ii gah, meizom zong himai kha dinghi.
Khristian kici Thu-um mite in i sepding sem hetlo kha hiding hihang. I zuih ding zui hetlo kha hiding hihang. Kimakaih khial, kipantah khial, kalsuan khial khin hikha ngeelngeel ding hihang.
Hang Khan Lian
Block 646#13-115
Jalan Tenaga
Singapore 410646
No comments:
Post a Comment