A (3) veina TBC Youth Leadership Training ki lawhcing

Pasian' hehpihna tawh a (3) veina Tedim Baptist Convention Youth
Leadership Training, May 20-24,2014 sung Teeklui Tuiphum Pawlpi inntek
sepna tawh nuamtakin kibawl thei hi. Thusinna hun sungah TBC gam sung
pawlpite pan khangno makai (121) kipai thei aa,anuai abangin thusinna
kinei thei hi.
 
Thubulphuh: "Lungdam ko-a thu a ngen khangno"
(Lt.50:23,100:1-2,I Thes.5:16-18,Heb.13:15)
 
Thusung Thului
Pa Suan Khan Dongh(Pu Peek) Youth and Law
Rev. Thang Go Khup Baptist Distinctive
Rev.Dr. Thang Cin Lian Youth and Management
Thusunte zong lunglut huai mahmah in khangnoten zong thu duh thei
mahmah ahih manin kuamah a vak thepthup cih zong om se lo aa thu
kingai dimdiam in thangah huai mahmah hi.
 
Nitaksim biakpiakna hun ah Sakollam Tuiphum Khangno ten Praise and
Worship nopci takin hong makaih ziahziah uh hi.
 
Nitakkhat group zui-in siamna tuamtuam kidemna hunah khangnote'n
siamna tuamtuam hong lakin tha kingah mahmah hi.
 
Nisim nitaklam nai 3:00-5:00 pm sung group zui-in numei,pasal kimawlna
kinei aa nuam kisa mahmah hi.
 
Atawpna nitakin thusin aa hong pai teng leh kikhop hong sim tengin
khuaimei de-in thusin na teng leh Rev. Dr. Thang Cin Lian'
hunzatnate(sermon) lungngai kawmin Youth Director' makaihna tawh
ki-apna hun khat kinei aa,mipi te khitui nulkawmin Topa' tungah ki-ap
ziahziah uh hi.Kikhop man ciangin Sing song service hun tawh kizom
suak aa khangthak lasiam tampi om ahih lam hong phawksak hi.
 
Zankim 12:00 hun ciangin Maikum teh a (6) veina TBC Youth Conference,
Phaileng Tuiphum Pawlpi ah kimukik ciatni cih tawh mangpha kikhak in
zinciat kizuan hi.
 
"Gam khat, Pawlpi khat a kikhel nadingin tua gam, tua pawlpi sungah a
om khangnote akikhel phot kul ding hi. Khangnote akikhel kei leh
kikhelna taktak piang zolo ding hi." Tua hi-a, hih thusinna tungtawn
in i gam i pawlpi adingin phattuamna tampi om ding hi cih lam etna
lianpi i nei hi.
 
Thupuak,
Rev. Cin Khan En
Director
Youth Department