Kawlgambup kimawlna lam tawh i minam ong tawisang sia Do Khan Khup CEO Chin United FC, Director Sports links, OM Myanmar te innkuan in 2014 Myanmar Census minam min atnading munah 914 Zomi mah naci ungh cih a laikhah kamuhciangin lamdangsa sim leh kalung ongkimsak mahmah hi. banghanga lamdangsa kahiam cihbel tulai i kawlgamsunga kumpi nasem a zalian deuh tengbangin hih i Zomi Movement pen ongthukimpih lualo mawk uh hi.
Tua kawmkalpanin sia Khup bang a ma mapanna pen Chin United FC hi sawnsawn a hihmanin bang ongci mawk tam uh maw kacih telak ah khat in kihel hi. a hizongin a ma nasepna, mapanna te leh minam vai gawmkhawmlo a pasal vai takin a hihna taktak Zomi cih pomin mi ten bangbang a genzongin Joshua bangin kei leh ka innkuanpih tengin 914 Zomi kaci uh hi. cih a mahmah in taangkona ongneih pen a dang te thupilo cihna hilo napi ka lung ongkimsak phadeuh kasa hi.
Sia Khup te innkuan cidam henla a masuan a lunggulhna om khempeuh i biak Pasian in gualzawh matutna ong piaksakden tahen la mailam ah Zomi United FC ongpiankhiattheih nadinga a petkhiading leikhamang ong suakta hen! 2014 Myanmar Census tawh kisai a ma laikhak a nuai ah ong copy/ Paste kik ingh. a lai khak a tom mahmah hangin tuasungah ngaihsut ding, etteh ding thutampi kimuthei hi.
Lungdamna leh zahtakna lianpi tawh
Sawm Lian
Tulsa,OK
Kei leh ka inn kuan pih teng in 914 Zomi ka ci uh hi. ka zi sihzang te hi in a at na ding tel hi.
ko inn kuan 100% Zomi.
ka lung kim man hi.
Do Khan Khup
CEO Chin United FC
Director
Sports Links
OM Myanmar
No comments:
Post a Comment