Sakollam Hausa pa,makaih na tawh,Sakollam Veeng bup kamki kupkhop na,

 

                        Leitung pian zawh aom ngeinai lo Sakollam veng sungah a teengteng kimuh khopna khat veng Hausapa vaihawmna tawh U Gopute inn ah 10/8/2013 ni sungnung nainih in mi za leh sawmgiat a kisam lak ah za leh sawmnih kiim ki pai aa, hih hun sungah thumasa in “Sakollam Tangpi Kipawlna” a pian khiatzia leh nasepsa teng ki genkhia masa a, tua zom Hausapa in thugenna hong nei hi.

Athugen  a tom in   : Veng sunga om mikhempeuh kilawmtat

                               theihna ding thu,  

                            : Veng Lungsim neilo in vengdangte etteh 

                               dingin om ding,

                            : Nek eh dawn leh gamtat luhek kidawm ding cih teng gen hi.

             Siapi Gin Khen Thang in Ih vengsung ah Palastic hawng kipai tam lua hi, tuate koicih leng siangtho ding hiam cih hong gen aa, Veng Kipawlna te in Lamziikpi dungah Ninbung(recycle bin) hong koih ding hi ung ci-in Thang Pian Lian in gen kikna nei hi. Siapipa mah in zom lai a, Hawklamte zong ih bawl kei leh ih lampi zong sia hi, tuate koi cih ding ih hiam? Ci a, Hausa  pa in Hausate leh Kumpi lamte tawh kithuah khawm in a tamzaw kibawl khin hi cih gen behna nei a, Pa Suut Gawh Cin in, leh Pa Thang Lun Khupte in Hanthotna tom no hong nei in, Hausapa hong piak Niangtui leh moh kine ngeingai a, nitak naithum leh a lang in nuam tak in ki zo hi. A hun zui in hi bang kimuh khopna kinei zel ding hi.