WZC leh ZIA Boruak (khuahun)them ciam kik dihni.
A beisa 2013 kum sung WZC/ZIA leh Zomite mailam kalsuanna ding na sepna ,i mapanna te ah Zomi misok pawlkhat mah in Zomite langah pang in, a naspna uh tomno khat mipite telkhialhna omlohna ding in,i gen ding uh hi.
ZIA fraction pan ZRA(E) hong pianna:
Tomkim thei pen pan sut leng,ZIA sung ah,galkap training class om zeuhzeuh in,tua class te ah lah tintan kahnuam lo,pawlkhat hong om uh hi,hun hong paitoto in Galkap nasep zia leh makaih zia training kah teng mah in hong telzawk uh teh,a mau pilna tawh kituak in za leh vang zong na kipia a hihi.A hihhang in leitung lungsim tawh keisang naupang zaw or lawmta khat tektek cih tawh training kahnuam lo mi nih leh thum phunna leh,a pua lam pan WZC liangko ah tuang in,ZIA buluh sawm misok pawl khat tawsawnna tawh,ZIA pan paulap tuamtuam zong in na hong sem uh hi.
1.Doulos kimpi ZIA galkap zong ding:
ZIA galkap zong in paulap in kei Zogam vaciahto leng,mi a tawm pen 30 bang ngah zo ning cih tawh hong siau zel a hihmanin, tua bang a hih leh vapai mai ve kicih san hi.Tua leh lamsap ding kawlsum Ks.teng 30 bang hong nget pah mawk ciang in,Teng 5 tawh na paisak un ci mahmah in teh kicih san in,Zogam paito a,WZC pan guide line te zui-lo in ama agenda tawh na pai bek thamlo,midang tuamtuam tawh va ki mu hi.
ZIA Camp lam ah ciah kik ding ni kal thum bang a kheng khit teh,numei khat tawh nisuahna gam lam hong tung kik hi,tun cidam in hong tung kikna hih teh lawmte kiang ZIA camp ah na paita ou, a kicih ciangin gam sung kuan ngap nawn keng,ka TB na sia semsem in khuapi sung ah na om ning ci in hong lutkik nopnawn loh teh,bangbang leh medical leave ci-ni-in,na dam ciang hong lut kik in cih tawh kikoih ban ah leave om sung ZIA vai ah thuneihna omlo cih tawh a kikoih a hihi.
Asawtlo kha nih khit khong teh hong hopih in,Thailand ah ZIA or WZC zum khat hong ni-in,tua khong ah kei na tu ning hong cih teh,bangbang leh Zum hon ding sawmna kinei lo hi,gamsung kuan in a gim gam leh nam a ding a sem taktak te mah kinpih phot ding policy kinei hi ci in,ki gencian kik a hihi.
Tua mah bang in,Khat vei hong hopih leuleu in,Thailand ah Biakna Pastor khat tawh kituah in,Tagah sang khat na hong ing,WZC in hong huh un hong ci leuleu in,Tagah sang khong tha pia nuam mah hangin,ei pawl sepnop leh sep sawm pen revolutionary movement hipi pen hi kicih san leuleu hi.
2.En Sian Mang ZIA galkap zong ding in kuan leuleu:
Zogam ciah to leng ka khuapih te ngiat mi 50 bang in hong samsam uh hi,va pai-in tua teng va la ning cih paulap hoih mahmah khat hong zong khia leuleu in,aw nang thuthu ci ni kicih san in vapai to pah a,Zogam a tun teh WZC liangko a tuang nuam Zomi misok pawlkhat tawh va kimu uh in,a kisawllohna lamlam ah na pai danna hihi.A kitheih kikik ciang in Sia Thang kici pa pen tu lai tak a WZC a mangthang zong in ZIA mangsak kei ni ci a gen Suan Gin Thang na himawk dan hi.
Lawm Sian Mang zong,ZIA bopi dan a kigen in,mipawl khat bang in um lua 12 kim in a nung na zui ke uh,Haiciin kawl khong ZIA camp ding in va en nongh uh ban ah,ZRO/A lam va pha suak un thu limci mahmah honkhat na kimuam kha dan hi.
Tua zawh a ki pan net tuamtuam ah ZIA bei ta,ZRA(E) in ding uh cih leh ZIA teng ZRA ah lut gai khin cih misok teng in hong tangko kawikawi uh in a phung a zam i theihnopna tawh kum khat kim daidide a i na om leh tun hong kitel mahmah ta cih ding a hihi.
Lawm Sian Mang zong lungmuang tak in ZIA camp ah na ciahsuk phauphau in,ZIA galkap Kimsing leh numei khat na khemzo in,Zogam lam ciah ding na kuppih a hihi.A hihang in ZRA/O lampan muahpuak khat nei a,na pute kiang ah Thau lawng 30 hong ngen in la tua tawh hong ciahto in cih thu a hihi.A mah zong pute maipha mu mahmah kisa a va nget vial leh nang damaih(gangstar) sepna ding hong kipia zo ken teh na cih san uh a hihmanin,khut guak masuan in,Kimsing leh a numei tawh Zogam hong ciah kik uh a,a pai masak lai a a khem zawh mi 12 te tonpih to in ZRA camp ah va tung nongh uh hi.
Bangci hiam bel thei khang in zinpak a puak zawh loh teh maipha va mu lo leuleu hiam a lawmte 12 lak pan 8 in nawhsa tak in na taisan ki pah un,a cian lai teng zong damdam in nungciah kik ngeingai dan uh hi,nung Chicago talkshow kuanni friday in tedim pan a lawm kimsing in Pu Zokhup na hopih in SianMannggei ah om na hopih nuam hia ci a,Pu Zokhup in hopih nuam keng cih tawh zatlan a bei dan hi.
Mipi in i tel pak ding in,Doulos kimpi pen ZRA(E) ci a awngawng pa hi in,SianMang bel tedim kuam ah ZIA lulu,ZRA lulu in Zogam a vakvai lai tak a hihi.
Bangbang leh ZRO/WZC/ZIA kinawk khakna ding omlo in i mun tek ah gam leh minam itna takpi tawh mapan siam sawm tek ni.Leitung mun tuamtuam a om Zomi mipi in zong misokte telsawm in gulsia thangsia kinawk sak zo kei ni.
Leitung bei dong ZIA beilo ding ban ah ZIA kuamah in hong suksiat zawhlohna ding in mapanna kip mahmah tawh na kisem ta a hihi.
ZIA a ding Zovontawi hanciam ciatni.
Lungdam
ThangLian.
No comments:
Post a Comment