Siapi U
Ong makaih ahi Leitang kiim le paam kepna le Khantohna ding Kipawlna
(Forest Resource Enviroment Development & Conservation Association-
FREDA) te in Kawlgam sungah leitang le gammangtulak akem apuah le a itte
pahtawina pen kumsim in nei zel uh a, tukum 2013 ading Kawlgambup ah mi
thupi 8 teelkhia uh hi. Tua akiteelkhia mi 8 lakah Zogam, Tedim khuapi
Sakollam ateeng Lailo khuami Pu Vungh Suan Pau @ Pu Suanpau zong hong
kihelthei ahih manin, Zomibup tangin Tongsan International Media Group
pan lungdampihna i pulak hi.
Hih "
Leitang Itte pahtawina " piakna hunpi pen August 31,2013 (Saturday)
nitak lam (2:00Pm) hun-in Orchid Hotel, Yangon City Hall kiang,
Mahabandolah Road, Yangon ah thupitak kipia dinga, Zomi makai tuamtuamte
le sapna a ngahte khempeuh kipaikhawm ding cih kiza hi. Hih banga
Kawlgambup level pahtawina kipiakna ah Zomite i kihelkhak manin Pasian
min i phat khawm hi. Pu Vungh Suan Pau le innkuanpihte zong gam le minam
a it a khualzo semsem dingin Topa Pasian in cidamna le khansauna thupha
hong piaksak suak lai hen.
Source: Pa Kap Khen Pau (Kapno), Yangon
Posted: Tongsan Tanute
No comments:
Post a Comment