Malaysia ah UN Card ki hawmkik tading
Tuni August 15, 2013 zingsang 9am in UNHCR-CDU te vaihawmna tawh Chinese Assembly Hall ah kipawlna makai te Meeting hongsam uh a, ZAM pan Palai te 3 ki helthei hi.
Tuni UNHCR Meeting pan Zomibup in ih zaknop leh ih ngaklah mahmah ahi UN Card ki hawmkikding vai (Mobile Registration) hong tangko khiata uhhi.
UN Mobile Registration pen September 02, 2013 ni in kipan tading a, aki piaknading munte pen anuai abang ahihi;
Perak
Cameron Highland
Kuantan
Jahor Bahru
Seremban
Kuala Lumpur
Hih atung mun 6 ah abanban in ki piading a, ahungelna ahihleh September khapan kipan in December khadong hiding hi. Tuaban ah UNHCR pan asumding Budget aomleh January kha ciangin Penangahzong ki piading ci uhhi.
Hih UN Card a ngahdingte pen UNHCR pan Community tuamtuam ah tukum March 06, 2013 nidong minsazian List hong laksa tengbek ki piading a, tuakhitzawh Malaysia hongtungte ki pialo ding hi. Tuaban ah hih UN Mobile Registration pen anunung zong hikhamai tading cihzong Officer te'n hong pulakkhia uhhi. Tua ahih manin hih UN Mobile Registration vai lunggulh in Kawlgam khawngpan ihdelhlohding, banghanghiam cihleh UN Card apiakding tepen March 06 ni masiah Community khatpeuh ah minsazian apiate bek ahihi. March 06 madeuh in Malaysia tungkhin a, koi mah kipawlna ah namin napiakkei lehzong nang adingin UN Card lametna omtuanlo hi.
Hih link http://www.zomidaily.com/
ZAM iNFO
No comments:
Post a Comment